Darka Goût de / Good France 2019 në Shqipëri [fr]

Good de France - PNG

Më 21 mars, ambasada e Francës në Shqipëri organizoi darkën gastronomike Goût de / Good France në restorantin Karlsberg të hotel Xheko Imperial në Tiranë, ku morën pjesë mbi 170 persona. Shef Williams Jacquier i restorantit "Le Vivarais" i certifikuar "Bouchon lyonnais" dhe emëruar "Toques blanches", Mjeshtër kuzhine në Francë në 1996, erdhi posaçërisht nga Lioni për të përgatitur, në bashkëpunim me shefat dhe ekipin e Xheko Imperial, një darkë me shijet nga Provanca, rajoni i nderit i edicionit të 2019-ës. (Emisioni "Living" mbi edicionin Goût de France).

Siç u njoftua edhe nga Presidenti Emmanuel Macron gjatë konferencës së shtypit mbi tematikën e këtij edicioni, darka respektoi parimet e zhvillimit të qendrueshëm përmes një gastronomie të përgjegjshme dhe një angazhimi për ruajtjen e planetit.

Edicioni Good France u zhvillua edhe në tre restorante të tjera në Shqipëri në data të ndryshme: "Pastiçeria franceze" në Tiranë, restoranti "Le Paname" në Elbasan dhe restoranti "Le Petit Paris" në Korçë.

Për më tepër informacione mbi edicionin Goût de/Good France vizitoni faqen zyrtare të internetit

Partenaires - logo - PNG

Ndryshimi i fundit: 09/05/2019

Në krye të faqes