Takimi franko-shqiptar mbi arkeologjinë [fr]

Më datën 19 prill u mbajt një takim franko-shqiptar mbi arkeologjinë në Parkun e Apollonisë.

Kjo fushë është objekt i një bashkëpunimi mes Francës dhe Shqipërisë, i cili daton që prej vitit 1925. Që në fillim, Apollonia ka qenë një park i privilegjuar. Ky bashkëpunim është konkretizuar me gërmime dhe punime shkencore të përbashkëta, me studime në Francë të disa arkeologëve shqiptarë, me shkëmbime mendimesh mbi problemet e ruajtjes dhe të rivlerësimit të objekteve arkeologjike. Shkollat franceze të Athinës dhe të Romës, Kolegji i Francës, CNRS-ja, Ecole Nationale Supérieure de Paris dhe disa universitete franceze janë partnerë të Shqipërisë në këto programe, me mbështetjen e vazhdueshme të Ministrisë së Punëve të Jashtme dhe Ambasadës së Francës.

Nën drejtimin e Ambasadores së Francës, Znj. Christine Moro dhe Këshilltarit të Kryeministrit, Z. Neritan Ceka, takimi i 19 prillit mblodhi përgjegjësit kryesorë të arkeologjisë shqiptare, si Znj. Shpresa Gjongecaj, Drejtoreshë e Institutit Arkeologjik të Tiranës, Z. Apollon Baçe, Drejtor i Institutit të Monumenteve, Z. Marin Haxhimihali, Drejtor i Parkut Arkeologjik të Apollonisë dhe Z. Bashkim Vrekaj, Drejtor i Parkut Arkeologjik i Bylisit.

Nga pala franceze, përveç përfaqësuesve të Ambasadës, ishin të pranishëm Z. Jean-Luc Lamboley, profesor në Universitetin Lyon 2, përgjegjës i gërmimeve franko-shqiptare në Apolloni, Z. Stéphane Verger, anëtar i misionit franko-shqiptar i Apollonisë dhe Drejtor i Kërkimeve në Ecole Normale Supérieure de Paris dhe Z. Vincent Guichard, Drejtor i Institucionit Publik Kulturor të Bibracte-s.

Diskutimet u përqëndruan në problemet që lindin në administrimin e një parku të trashëgimisë kulturore, si ai i Apollonisë: Si të bashkërendojmë punimet shkencore dhe praninë e turistëve? Si të përshtatim ruajtjen e parkut dhe ekspozimin e tij në ambjent të hapur? Interesat dhe nevojat e Parkut Arkeologjik dhe ato të popullsisë lokale? Si të organizojmë harmonizimin midis parkut dhe peisazhit përreth, i cili është pothuajse aq i rëndësishme sa ai, për ta bërë sa më tërheqës një stacion të turizmit të qëndrueshëm. Drejtori i Bibracte, Z. Vincent Guichard, tregoi përvojën e tij dhe diskutoi me pjesëmarrësit e tjerë.

Në përfundim të takimit, marrëveshja ekzistuese e bashkëpunimit ndërmjet Parkut Arkeologjik të Apollonisë dhe atij të Bibracte-s nga viti 2007 në vitin 2012 u përsërit edhe për pesë vitet e ardhshme.


Les participants à la table-ronde
Les travaux sous la présidence de l'Ambassadeur et de M. Ceka
Signature de l'accord entre M. Haxhimihali (Apollonia) et M. Guichard (Bibracte)
Le site d'Apollonia
Détail
Vue du monastère abritant le musée

Ndryshimi i fundit: 25/04/2012

Në krye të faqes